११ सेप्टम्बर २०१६, स्विटजरल्याण्ड । नेपाली जनसम्पर्क समिति, स्विटजरल्याण्डले आयोजना गरेको पाँचौं रनिङ शिल्ड भलिबल प्रतियोगिता २०१६ मा आरगाउको समुह विजयि भएको छ । आरगाउको समुहले नेपाल पर्यटनका लागि सुरक्षित छ समुहलाई पराजित गरी प्रथम पुरस्कार, पदक र कप प्राप्त गर्न सफल भएको हो । विजयी समुहका टोली नेता गुणराज शर्माले खेलाडिहरु संग संयुक्त्त रुपमा कप ग्रहण गरे । १० सेप्टम्बर २०१६ मा जुरीखको बुखेगप्लाजमा संचालित प्रतियोगितामा लिग चरणबाट ति दुई समुहहरु फाईनलमा प्रबेश गरेका थिए । प्रतियोगितामा आरगाउ समुह, नेपाल पर्यटनका लागि सुरक्षित छ समुह, जुरीख नेपाल स्पोर्टस् क्लब र सारगान्स समुह गरी चार समुहहरुको सहभागिता थियो।
नेपाली जनसम्पर्क समिति, स्विटजरल्याण्डले नियमित भलिबल प्रतियोगिता आयोजना गर्दै आइरहेको छ । प्रतियोगिताको पुरस्कार वितरण सत्रमा कार्यक्रमका प्रमुख अतिथि माधवराज आचार्य र समितिका अध्यक्ष रामकुमार महतोले प्रथम र दोस्रो हुने समुहहरुलाई नगद पुरस्कार, पदक, कप र प्रमाण पत्र वितरण गरे । उक्त्त सत्रमा प्रमुख अतिथि आचार्यले भने, “नेपाल र स्विटजरल्याण्डको राजनीति भलिबल खेल जस्तो भई दिएको भए कति राम्रो हुने थियो । हार्ने र जित्नेलेएक अर्कालाई बधाई र शान्त्वना दिने” । समाज र राजनीति सद्भावमा चल्न सके राम्रो हुने, तर सद्भावमा चल्न नसके पछि नियममा चल्नुपर्नेमा उनले संकेत गरे । साथै उनले प्रतियोगितामा सर्वपक्षिय एवं उल्लेख्य सहभागिता रहेकोमा सन्तोष ब्यक्त्त गर्दै जनसम्पर्क समिति स्विटजरल्याण्डले भलिबल प्रतियोगिताको माध्यमबाट एक सर्वपक्षिय मञ्च स्थापित गरेको चर्चा गर्दै अन्य राजनीतिक भातृ संगठनहरु लाई पनि यस प्रकृतिका कार्यक्रमहरु गर्न सल्लाह दिए । नेपाली जनसम्पर्क समितिका अध्यक्ष रामकुमार महतो र प्रतियोगिता संयोजक टेम्बा गुरूङले सहभागि खेलाडिहरू र उपस्थित सबैमा घन्यबाद ज्ञापन गरे । पुरस्कार वितरण सत्रको संचालन समितिका महामन्त्री तिलक थापाले गरेका थिए । कार्यक्रममा सहभागीहरुका लागि नेपाली खाजा र जलपानको ब्यवस्था गरिएको थियो।
विजयी आरगाउ समुहका खेलाडिहरुको नामावलि:
गुणराज शर्मा (टोली नेता), विनोद क्षेत्री, हिरालाल श्रेष्ठ, भुमिराज गुरूङ, तिलक थापा, बिरू गुरूङ, बिष्णु गुरुङ, हरि रेग्मी
दोस्रो हुने समुह (नेपाल पर्यटनका लागि सुरक्षित छ) का खेलाडीहरुको नामवलि:
आङ तेन्जिङ शेर्पा (टोली नेता), निराजन श्रेष्ठ, गेल्जेन शर्पा, विदुर संग्रौला, राम परियार, दिर्ग श्रीस मगर, हेमन्त के.सी., विशाल पुन
जुरीख नेपाल स्पोर्टस् क्लबका खेलाडिहरुको नामावलि:
काजि शेर्पा (टोली नेता), लोकेन राना, अर्जुन बस्ताकोटि, मणिराम अधिकारी, सुरज विश्वकर्मा, राकेश श्रेष्ठ, दिपु गौतम, (यस समुहका एक खेलाडिको नाम हाम्रो जानकारीमा छुटन गएकोमा क्षमाप्राथी छौं।)
सारगान्स समुहका खेलाडिहरुको नामावलि:
टेम्बा गुरुङ (टोली नेता), ग्याट्सो गुरूङ, साँगबो गुरूङ, पाल्देन गुरूङ, सोनाम गुरूङ, लोबसान गुरूङ, पासाङ गुरुङ
फोटोः देवराज अधिकारी
