सरकारको कामप्रति सरकारका उप्रधानमन्त्री थापा नै असन्तुष्ट

वर्तमान सरकारका उपप्रधान, संघीय मामला तथा स्थानीय विकास मन्त्री कमल थापाले वर्तमान सरकारको काम सन्तोषजनक नभएको बताउनु भएको छ । राष्ट्रिय प्रजातन्त्र पार्टी नेपाल हेटौँडा उपमहानगर समितिको नगर परिषद् वैठकको आज हेटौँडामा उद्घाटन गर्दै उहाँले सरकारको कामप्रति असन्तुष्टि ब्यक्त गर्नु भएको हो । मन्त्री थापाले सरकारले आपूर्ति व्यवस्था ठीकसँग चलाउन नसकेको र नागरिकले परिवर्तनको अनुभूति गर्न सक्ने गरी काम गर्न नसकेको स्वीकार गर्नुभयो । भारतको अघोषित नाकाबन्दी हटाउन र सम्बन्ध सुधार गर्न भने सरकार सफल भएको भन्दै चीनसँग भएको पछिल्लो समझदारीलाई ऐतिहासिक भएको बताउनुभयो ।