लालबहादुर ढेंगा, दुबई, युएई
दुबई । गएको २५ मार्च शुक्रबारका दिन दुबईको ग्राण्ड फोर्चुन होटलमा पर्वत सेवा समाज युएईले विविध लोक सांगीतिकको माहौलमा तेस्रो बार्षिकउत्सव २०१६ भव्य रुपले मनाएको छ । समाजले आफ्नो कार्यकाल तीन बर्ष पूरा गरेको अवसरमा सो बार्षिकउत्सव मनाएको हो ।
उक्त कार्यक्रमको प्रमुख अतिथिमा पर्वत सेवा समाज युएईका संंरक्षक खेमानन्द भुर्तेल रहनुभएको थियो भने कार्यक्रमको अध्यक्षता सोही समाजका अध्यक्ष राजेन्द्र अधिकारीले गर्नु भएको थियो । त्यसैगरी बिशेष अतिथिमा मणिप्रसाद भुर्तेल, चन्द्रप्रसाद सापकोटा र मोहन शर्मा रहेको थियो । अन्य अतिथिहरुमा विभिन्न संघ संस्थाका प्रतिनिधिहरु, समाजसेवी, व्यवसायी, पत्रकार र कलाकारहरु रहेका थिए ।
राष्ट्रिय गानबाट कार्यक्रम थालनी गरिएता पनि प्रमुख अतिथि, सभापति लगायत अन्य अतिथिहरुले संयुक्त रुपमा दीप प्रज्योलन लगत्तै केक काटिएको थियो । दुई चरणमा विभाजित गरिएको कार्यक्रमलाई औपचारिक कार्यक्रम महासचिव सरोज जिसीले संचालन गरेका थिए भने सांस्कृतिक कार्यक्रमलाई दुबई क्षेत्रीय समितिका सचिव बिक्रम पौडेलले संचालन गरेको हो ।
समाजको त्रर्फबाट शुभकामना मन्तव्य सचिव कमल लामिछानेले दिनु भएको थियो । आर्थिक बिवरण कोषाध्यक्ष भिमलाल काफ्ले र एक बर्षभरिको बार्षिक प्रतिवेदन प्रथम उपाध्यक्ष पर्शुराम पौडेलले राख्नु भएको थियो । जसमा तीन बर्षको अवधिमा २० हजार दिरामको कार्ययोजना र हालसम्मको आर्थिक वचत ९ हजार दिराम रहेको जानकारी दिएको छ ।
सांस्कृतिक कार्यक्रमको सुरुवात बिक्रम पौडेलले गाएको गीत “जाम त भने मनैको बाटो” बाट भए लगत्तै सरिता न्यौपानेले गाएको “गीत हावा चल्यो सरर..” ले हललाई तताउन थालेको थियो । टुविन्द्र लुईटेलको राष्ट्रियभावमा उप्रित कर्म भूमिको गीतले एकछिनको लागि स्वदेशसम्म पनि पु¥यायो । नरेन सापकोटाले गाएको गीत “फुल फुलेर पहेलै भयो” र हरि डुम्रेले गाएको “मुसुमुसु नहास मायाले” भन्ने गीतमा दर्शकलाई मात्र नभएर अतिथिहरुलाई समेत नचाउनसम्म भ्याए ।
मनमोहक पोशाकमा सजिएर सिमा लामिछाने र राजु थापा आशिकको युगल जोडी “सालै जो” को भाकामा नृत्यले अझै थप मनोरंञ्जन दिएको थियो । त्यसैगरी अर्जुन न्यौपानेले गाएको गीत “माया चन्चले” र सपना जिसीले गाएको गीत “रुमाल हल्लाई हल्लाई” पनि निकै सान्दर्भिक लाग्दथ्यो । “तेस्रो बार्षिकउत्सव २०१६” शिर्षक सीता पौडेलद्धारा वाचन गरेको कविताले पनि आफ्नो स्थान जमाउनमा सफल भएको थियो ।
सो अवसरमा पर्वत सेवा समाज युएईबाट अभियान चलाएको भूकम्प पीडित राहत संकलन कोषमा सहयोग गर्ने र स्थापनाकालदेखि समाजलाई सहयोग दिनेहरुलाई खादा तथा सम्मान–पत्र दिएर सम्मानित गरेका छन् । आ–आफ्नो मन्तव्य राख्नेहरुमा टोया लम्साल, नारायण आचार्य, खुम आले मगर, कमला भण्डारी, एकेन्द्र थापा, भिम अधिकारी, डियल शर्मा, उत्तम अधिकारी, मणिप्रसाद भुर्तेल, चन्द्रप्रसाद सापकोटा, खिमानन्द भुर्तेल, कृष्ण न्यौपाने, राजेन्द्र अधिकारी र गितामणि पाण्डे रहेका थिए ।
