नेपाल वायुसेवा निगमको विमानमा बम नरहेको पुष्टि

काठमाडौ, ४ चैत । नयाँ दिल्लीबाट काठमाडौंतर्फ उड्न लागेको नेपाल वायुसेवा निगमको विमानमा बम नरहेको पुष्टि भएको छ ।
इन्दिरा गान्धी विमानस्थलबाट आज दिउँसो उडान भर्ने तयारीमा रहेको ‘आर ए २०६’ नम्बरको विमानमा बम रहेको हल्ला चलेपछि एकाएक उडान स्थगित गरी खानतलासी गरिएको थियो ।
सुरक्षा जाँचपछि कुनैपनि वस्तु फेला नपरेको पुष्टि भएको हो । १ सय ५६ यात्रुसहित उडानका लागि अघि बढिसकेको बेला विमानमा बम रहेको हल्ला चलेपछि रोकेर यात्रुहरुलाई ओरालिएको थियो ।
त्यसपछि कुकुरहरु सहितको बम डिस्पोजल टोलीले विमान नियन्त्रणमा लिएर खानतलासी गरेको थियो । खानतलासीबाट कुनै वस्तु फेला नपरेपछि विमानलाई उडान अनुमति दिइएको छ ।