अनेरास्ववियुको नयां नेतृत्व चयनका लागि मतदान सम्पन्न

सत्तारुढ दल नेकपा एमालेको भातृ संगठन अनेरास्ववियुको काठमाडौंमा जारी २२ औं अधिवेशनमा नयां नेतृत्व चयनका लागि मतदान सम्पन्न भएको छ ।
बुधबार दिउंसोबाट शुरु भएको मतदान बिहीबार बिहान मात्र सकिएको हो । निर्वाचन समितिले दिएको जानकारी अनुसार मतदान सकिएपनि मतगणना भने आज शुरु नहुने र भोलि बिहान ८ बजेबाट मात्र शुरु हुने भएको छ ।
अधिवेशनमा अध्यक्ष पदका लागि संस्थापन पक्षका तर्फबाट नबीना लामा र वरिष्ठ नेता माधवकुमार नेपाल पक्षधर दीपक गौतमको प्यानल प्रतिस्पर्धामा उत्रिएका छन् ।
उक्त २२ औं अधिवेशनमा पदाधिकारीमा अध्यक्ष महासचिव सहित १९ सदस्य, ४१ सदस्यीय सचिवालय सहित १४१ सदस्यीय केन्द्रीय समिति, १४६ सदस्यीय राष्ट्रिय परिषद सदस्य र ४५ सदस्यीय तीन वटा आयोगमा दुबै पक्षले आ आफ्नो प्यानल बनाएर प्रतिस्पर्धा गरिरहेका छन् । अधिवेशनमा कूल तीन सय ३५ पदका लागि करिब एक हजार प्रतिनिधिले मतदान गरेको निर्वाचन समितिले जानकारी दिएको छ ।