बस दुर्घटनामा परी सिन्धुपाल्चोकमा दुई जनाको मृत्यु

बुधबार बेलुका भएको दुर्घटनामा परी सिन्धुपाल्चोकको बराम्चीमा दुई जनाको मृत्यु भएको छ ।
काठमाडौंबाट कात्तिके तर्फ जांदै गरेको बा २ ख २७०२ नम्बरको बस ढांडे नजिकैको उकाले चढ्ने क्रममा दुर्घटना भएको हो । उक्त दुर्घटनामा परी अन्य नौ जना घाइते भएका छन् भने तीन जना घाइतेको अवस्था गम्भीर रहेको स्थानीय प्रहरीले जानकारी दिएको छ ।
मृत्यु हुनेमा बराम्ची ६ का ५५ वर्षीय दावा स्याड.बो र सोही गाविस ९ की ४७ वर्षीय माइली तामाड. रहेका छन् ।
उकाले चढ्दै गर्दा बसको पछाडिको सापट भांचिएपछि पछाडि चिप्लिएर बस करिब २०० मिटर तल खसेर दुर्घटना भएको थियो ।