जुरिख। पपस्टार धिरज राईले बुद्ध अभियानबारे आँफू लाग्नुको रहस्य खोलेका छन्। नेपालस्वीस डटकमको अफिसियल फेसबुकमार्फत गायक राईले आफ्नो अभियानबारे बोलेका हुन्।
१२ बर्षदेखि बुद्ध अभियानले जोडिएका गायक राई ४० देशमा पुगिसकेका छन्। उनले फरक-फरक भाषामा प्रकाशित पुस्तकहरु पनि संकलन गरेका छन्। राईले पुस्तकहरु देखाउदै भने,”बिश्वभर बुद्धको जन्म नेपालमा नै भएको भन्ने एउटै तथ्य छैन। यी पुस्तकहरुमा कतै भारतमा, श्रीलङ्का, थाईल्याण्डमा पनि जन्म भएको भन्ने उल्लेख छ।”
त्यसो त गायक राई आँफैले अंग्रेजी बिषयमा स्नाकोत्तरतहमा अध्ययनगर्दा बुद्धको जन्म भारतको उत्तरीक्षेत्रमा भएको भन्ने उल्लेख भएपछि यो अभियानमा लागेको रहस्य खोलेका छन्। उनले भने,” यस्तो गलत जानकारीसहित हाम्रै देशमा आफैले पढ्दा आँफू छक्क परे। त्यसपछि मलाई लाग्यो, विदेशमा पनि त्यस्ता पुस्तकहरु होलान् भन्ने आशयले नै बुद्धको जन्म नेपालमा भएको हो भन्ने अभियान चलाएको हुँ।’
उनले युरोपको नेपाली समुदायलाई सम्बोधन गर्दै कोरोनाबाट जोगिन सजकता अपनाउन अनुरोध समेत गरेका छन्। स्वीट्जरल्याण्डमा समेत तीनपटक आई प्रस्तुति राखिसकेका गायक राईले आफ्नो अभियानलाई सफल पार्न युरोपबासीलाई अनुरोध समेत गरेका छन्।
