दिनेश गौतम । साईप्रस । साईप्रसको राजधानी निकोसिया नजिक ईभिचिउमा एक नेपाली विद्यार्थीको हत्या भएको छ । संगै एउटै कोठामा बस्ने साथीहरु बीच विवाद हुँदा चितवनका २१ वर्षिय विवेग अम्मगाईको मंगलवार साँझ हत्या भएको हो ।
उनलाई सोही कोठमा बस्ने अर्का विद्यार्थी २२ बर्षिय सुभास गिरीले चक्कु प्रहार गरेको स्थानिय प्रहरीले जानकारी दिएको छ ।
प्रहरीका अनुसार चक्कु प्रहार गर्ने गिरी अम्मगाईको हत्या गरि आफै पुलिस चौकीमा आत्मसर्मपण गरेका थिए ।
५ जना विद्यार्थी बस्दै आएको फ्लयाटमा रक्सी खाएर आपसमा झगडा गरेको प्रहरीले जनाएको छ ।
हत्याको अभियोगमा बाँकी चार जनलाई प्रहरीले नियन्त्रणमा लिएको छ ।
प्रहरी घटना स्थलमा पुग्दा अम्मगाई रगतले लत्पत भएका थिए । उनलाई अस्पताल लैजादा डक्टरले मृत घोषणा गरेको थियो ।
