बासेल। नेपाललाई सहयोग गर्ने उद्देश्यले बासेलको रिहेनमा आयोजित नेपाल दिवस कार्यक्रम २९ मार्च २०२४ शनिवारका दिन सम्पन्न भएको छ। कार्यक्रममा स्वीसहरुको बाक्लो उपस्थिति रहेको थियो, जहाँ ४० वर्ष पहिले नेपाल पुगेका स्वीसहरुले नेपालको बारेमा स्लाइड शोहरु देखाएका थिए।
कार्यक्रममा नेपालमा बनेका विभिन्न सामानहरूको स्टल राखिएको थियो। नेपाली संस्कृति र परंपरालाई प्रोत्साहित गर्ने उद्देश्यले स्थानीय कलाकार देवी गर्बुजाले नृत्य प्रस्तुत गरिन्। सुभास सुन्दासको व्याडको टिमको प्रस्तुति पनि कार्यक्रममा विशेष आकर्षण बन्यो, जसले उपस्थितहरु लाई रमाइलो गरायो।
नेपाली खानाका बिभिन्न परिकारहरु राखेको थियो, जुन आयोजक जीवन भट्टराई र उनका समुहले तयार पारेका थिए।
यस कार्यक्रमबाट संकलित सम्पूर्ण रकम नेपालका आर्थिक रूपमा कमजोर परिवारहरूलाई सहयोग गर्न प्रयोग गरिनेछ। चर्चकी निष्ठावान सदस्य क्याथ्रिन बाउमगार्टनरले यस रकमलाई व्यक्तिगत रूपमा नेपाल पुर्याउने छिन्।
